![GrofinGeðrækt_transparent].gif](https://static.wixstatic.com/media/fb3d7a_1b54ce3e94374643b381dc3d29442d4f~mv2.gif)
Starfsfólk
Anna er gjaldkeri/seðlabankastjóri Grófarinnar. Hún útskrifaðist sem Viðurkenndur bókari 2011 en á undan því útskrifaðist hún sem matsveinn/sjókokkur 1983. Hún er fær í flestan sjó, ef svo má að orði komast, en hún hefur unnið alls staðar frá frystihúsi til banka, frá barnapössun í barþjóninn og frá tannlæknastofu í byggingarvinnu. Að eigin sögn hefur hún áhuga á öllu nema fótbolta, en sér í lagi handverki og ræktun krydd- og matjurta. Auk þess hefur hún mikinn áhuga á félags- og uppeldismálum.
.png)
Elín Ósk
Arnarsdóttir
Umsjón geðfræðsluteymis og jafningjafræðari og -jafningi
Elín Ósk er umsjónarmaður geðfræðsluteymis Grófarinnar en tekur einnig að sér hópstjórn sem jafningjafræðari. Auk þess gegnir hún hlutverki ritara í stjórn Grófarinnar. Hún á sér langa veikindasögu en hefur náð ótrúlegum bata þar sem Grófin hefur átt stóran þátt í ferlinu. Elín er útskrifuð með stúdentspróf, sem jógakennari frá Costa Rica og hefur tekið ýmsar gerðir af námskeiðum bæði innan og utan háskóla. Sem dæmi má nefna spænsku, heilsueflingu, lífræna ræktun, jóga nidra og hestamennsku. Hún býr að víðtækri reynslu og vill gjarnan nýta hana til góðs til að stuðla að heilbrigði og vellíðan annarra einstaklinga. Sérstaklega brennur hún fyrir geðrækt og mikilvægi þess að stunda hana rétt eins og líkamsrækt.
Friðrik Einarsson er einn af stofnendum Grófarinnar og var stjórnarformaður fyrstu árin. Friðrik er jafningjaráðgjafi og starfar sem slíkur hjá Grófinni. Hann er einnig varafulltrúi Grófarinnar í Samráðshóp um málefni fatlaðra á Akureyri. Friðrik hefur reynslu af bæði geðrænum- og fíknivanda og hefur verið í góðum bata síðustu ár. Um batann segir hann: ,,Díalektísk atferlismeðferð (DAM) árið 2008 hefur nýst mér vel ásamt rétt notuðum lyfjum og stöðugu sambandi við mína helstu ráðgjafa. DAM verkfærakistan hefur verið að færa mér meiri og betri bata með tímanum“.
.png)
Helgi er með puttana í ýmsum verkefnum, m.a. Lausu skrúfinni og geðfræðslu á vegum Grófarinnar. Hann veitir einnig stuðning við nýja hópstjóra og er alltaf til í að taka spjallið. Helgi starfaði áður í Laut athvarfi og í búsetuþjónustu við fólk með geðraskanir. Hann hefur sjálfur mátt glíma við geðræn veikindi og sú sjálfsvinna sem kom honum í bata er ómetanleg reynsla sem hann býr yfir. Eitt helsta markmið Helga er efla skilning fólks á hugsunum og tilfinningum sínum, til að bæta sjálfsmat þeirra, líðan og umburðarlyndi í eigin garð.
Pálína er iðjuþjálfi að mennt, en einnig búfræðingur með tamningapróf frá Hólaskóla. Að lokinni útskrift hóf Pálína störf sem deildarstjóri og iðjuþjálfi hjá Akureyrarbæ í búsetuúrræðum fyrir fólk með geðrænan vanda, m.a. endurhæfingu á áfangaheimili. Í náminu í HA fékk hún áhuga á hugmyndafræði valdeflingar sem leiddi til þess að hún var ein þriggja sem innleiddi þá hugmyndafræði í þjónustu búsetuúrræða hjá Akureyrarbæ. Pálína hefur einnig farið til London og Notthingham til að kynna sér hugmyndafræði bataskólanna, tekið að sér stundakennslu í HA og verið með iðjuþjálfunarnema í vettvangsnámi þaðan í gegnum árin.
Sonja er verkefnastjóri kynningamála og Unghuga Grófarinnar, situr í stjórn og hefur tekið þátt í Geðfræðsluteyminu í gegnum árin. Hún lauk BA-prófi í sálfræði frá HA vorið 2021. Hún á sér langa geðsögu og hefur unnið að eigin bata í nokkur ár. Hún hefur gríðarlegan áhuga á því að vinna með ungu fólki að bættri geðheilsu og stuðla að frekari úrræðum fyrir einstaklinga sem stríða við andlegar áskoranir. Hún er líka sjálfskipaður bókasafnsvörður Grófarinnar.
Hulda Berglind er listgreinakennari að mennt, og er hún auk þess búin að klára ýmis námskeið úr mörgum áttum, en hún er meðal annars með sportkafararéttindi. Nýlega hefur hún lokið kennaranámskeiði í Roll Model Method og stefnir á að ljúka kennsluréttindum í bandvefsnuddi og rúllun til verkjaminnkunar. Hún hefur gaman af fjölbreyttum og krefjandi verkefnum og á auðvelt með að hugsa út fyrir kassann. Hún nýtur þess að miðla þekkingu og reynslu sinni til annarra og hjálpa öðrum að öðlast meiri trú á sjálfum sér.
Stjórn
Stjórn Grófarinnar 2023-2024
Frá hægri efri röð: Sonja, Sigurjón (formaður) Brynjólfur, Emma.
Neðri röð: Gréta, Lilja, Elín.
Á myndina vanta Fjörni og Sólrúnu.
Fyrri stjórnir
2022-2023
2021-2022
Frá hægri efri röð: Katla, Júlíus Blómkvist, Sonja Rún, Fjörnir.
Neðri röð: Brynjólfur, Friðrik, Sólrún og Inga María (formaður)
Frá hægri efri röð: Sigurjón, Sonja Rún, Inga María, Herdís, Katla.
Neðri röð: Brynjólfur, Sólrún, Gréta, Lilja.
2020-2021
Frá hægri efri röð: Brynjólfur, Fjörnir, Sigurður Gísli, Júlíus
Neðri röð: Friðrik, Eymundur (formaður), María, Sonja Rún.
2019-2020
Frá hægri efri röð: Fjörnir, Friðrik (formaður), Brynjólfur, Júlíus, Elísabet.
Neðri röð: Sandra, María, Svana, Emma