Skýring dagskrárliða

  • Umræður, innlegg og verkefni tengd geðrækt, lífsgæðum, bataferli og batavinnu.

    Viðfangsefni fundanna er tengt  batamódeli Daniel Fisher og L. Ahern (www.power2u.org) um batavinnu og bataferli.

    Lögð er áhersla á umræður sem og gagnvirk verkefni til geðræktar.

  • Sjálfsrækt eru hugsuð sem tækifæri til að ígrunda eigið líf og afrek, og svara spurningum sem tengjast m.a. tilfinningum og gildum okkar. Fókusinn er settur á að valdefla einstaklinginn á hans eigin forsendum. Lögð verður áhersla á hvað þátttakendur hafa þegar áorkað, hvert viðkomandi stefnir, góðar venjur og þakklæti.

  • Þátttaka á kjarnafundum er ætluð virkum þátttakendum í Grófarstarfinu og hafa skráð sig á þar til gert þátttökublað Grófarinnar. Fundirnir eru hjartað í okkar starfi. Á fundum eru teknar ákvaðanir um starfssemina, en þeir byggja á málum sem þátttakendur setja á dagskrá. Allir hafa atkvæðarétt til að taka afstöðu til mála.

  • Vettvangur þar sem fólk getur tjáð sig um það sem því liggur á hjarta og deilt reynslu sín á milli. Virðing og trúnaður eru skilyrði.

  • Í jafningjaspjalli koma þátttakendur saman og velja umræðuefni tengd andlegri líðan og bataferlinu og fá stuðning á jafningjagrundvelli.

  • Þátttakendur ræða um og setja sér eitt lítið markmið til að sinna yfir helgina. Markmiðið er að æfa sig í markmiðasetningu, bæta örlítilli virkni inn í helgina og smám saman víkka þægindarammann.

  • Fundir fyrir fólk 18-30 ára sem byggja á umhyggjuhring og sjálfseflingu. Umhyggjuhringur felst í jafningjastuðningi, virðingu og trúnaði þar sem fólk getur tjáð sig um það sem því liggur á hjarta og sjálfseflingin byggir á ýmsum verkefnum og tækifærum til hlutverka. Reglulega eru svo viðburðir, en skemmtinefnd Unghuga sér um að skipuleggja og auglýsa þá.

  • A self-help group where people can share what‘s on their minds in an atmosphere of understanding and confidentiality. The members of the group are international and therefore the main language used in meetings is English. The meetings are organized via a Facebook messenger group. For more information, contact Richard (https://www.facebook.com/Rikhardur.Bouman).

  • Tilgangurinn er að skapa kvennasamfélag þar sem þátttakendur fá tækifæri til að kynnast og æfa sig í að ræða ýmis málefni, í öruggu, skipulögðu umhverfi. Lögð er áhersla á að hópurinn taki vel utan um nýliða og í upphafi fundar er farið vel yfir fyrirkomulag fundarins. 

  • Spjallhópur um áhugaefni og reynsluheim karla. Þjálfun í að tjá sig í hóp.

  • Kaffispjall er vettvangur fyrir fólk sem vill hittast og spjalla um daginn og veginn á kaffistofu Grófarinnar.

  • Fólk er hvatt til að reyna nýja hluti, prófa sig áfram og finna styrkleika sína. Skemmtileg verkefni eru í boði ásamt kennslu í fyrirfram auglýstum verkefnum en einnig er hægt að nýta það efni sem til er eftir því sem þátttakendur vilja. Samvera og vinna í hópnum snýst um að sýna áhuga og að koma með nýjar og skemmtilegar hugmyndir. Auk þess er hægt að spila, en oftast er spiluð Kínaskák. Einnig má koma með sín eigin verkefni.

  • Fimmtudagar eru kínaskáksdagar í Grófinni. Við skiptum okkur á borð ef aðsóknin er mikil en einnig er hægt er að fá kennslu á spilinu á þessum tíma.

  • Litaslökun er hugsuð sem streitulosun í upphafi vikunnar en einnig sem ánægjuleg sköpunarstund. Við leyfum við litunum að flæða um blaðið á meðan við hlustum á notalega tónlist. Leyfilegt er að koma með eigin verkefni, t.d. prjóna og hekl svo framarlega sem það raskar ekki ró annarra þátttakenda. Litir, blöð og litabækur eru á staðnum.

  • Í hópnum er unnið að því að nudda vöðva og bandvefinn til þess að losa um spennu, auka virkni sogæðakerfisins og auka líkamsvitund. Bandvefsnuddið er sjálfsnuddtækni sem vinnur á öllum líkamanum – svæði fyrir svæði – undir leiðsögn kennara. Hver og einn notar eins mikla pressu og þunga og hann treystir sér til. Við endum svo hvern tíma á smá slökun. Gott er að mæta ekki í of víðum fötum.

  • Tilgangur hópsins er að kynna ljóð og ljóðasköpun á aðgengilegan hátt, hvetja þátttakendur til að prófa sig áfram með eigin skrif og efla sköpunargáfu og tjáningu. Einnig er markmiðið að skapa öruggt rými þar sem þau geta deilt eigin verkum ef þau vilja.

  • Ef veður og vindar leyfa förum við út og njótum útiverunnar. Við förum oftast á völlinn á Hamarkotstúni, en förum einnig stundum á vellina á Eiðstúni eða hjá Verkmenntaskólanum. Hér má lesa meira um folf.