Grófin byggir sitt starf á hugmyndafræði valdeflingar, bata og jafningjanálgunar. Þessi þrjú hugtök fléttast svo saman til að mynda það starf sem við sinnum. Við leggjum áherslu á mikilvægi þess að vera samfélag sem byggir á trausti, virðingu, og von og gætum við þess að vinna hörðum höndum að því að viðhalda því viðmiði. Þessari hugmyndafræði er ætlað að aðstoða þá sem eiga við tilfinningalegan vanda að stríða, hvort sem einstaklingurinn hafi einhvers konar greiningar eða ekki. Lykilatriði okkar er að einstaklingar öðlist sjálfstæði og hafi rými til að vinna í sjálfum sér ásamt því að auka virkni.