Skýring dagskrárliða
Geðrækt
Umsjón: Helgi og Sonja
Umræður, innlegg og verkefni tengd geðrækt, lífsgæðum, bataferli og batavinnu
Viðfangsefni fundanna er tengt batamódeli Daniel Fisher og L. Ahern (www.power2u.org) um batavinnu og bataferli.
Lögð er áhersla á umræður sem og gagnvirk verkefni til geðræktar.
Kjarnafundur
Umsjón: Allir - Friðrik tekur við fundarefnum
Húsfundur Grófarfélaga.
Þátttaka á kjarnafundum er ætluð virkum þátttakendum í Grófarstarfinu og hafa skráð sig á þar til gert þátttökublað Grófarinnar. Fundirnir eru hjartað í okkar starfi. Á fundum eru teknar ákvaðanir um starfssemina, en þeir byggja á málum sem þátttakendur setja á dagskrá. Allir Grófarfélagar geta sett mál á dagskrá og hafa atkvæðarétt til að taka afstöðu til mála.
Virknihornið
Vilt þú efla þig í virkni og sköpun?
Fólk er hvatt til að reyna nýja hluti, prófa sig áfram og finna styrkleika sína. Skemmtileg verkefni eru í boði ásamt kennslu í fyrirfram auglýstum verkefnum en einnig er hægt að nýta það efni sem til er eftir því sem þátttakendur vilja. Samvera og vinna í hópnum snýst um að sýna áhuga og að koma með nýjar og skemmtilegar hugmyndir. Einnig má koma með sín eigin verkefni.
Umsjón: Hulda Berglind
Hreyfing
Umsjón: Ýmsir
Ýmisleg hreyfing
Við sinnum fjölbreyttri hreyfingu sem fer eftir veðri og því skapi sem við erum í hverju sinni.
Gyðjurnar - spjallhópur
Umsjón: Hulda Berglind
Kvennasamfélag Grófarinnar
Tilgangurinn er að skapa kvennasamfélag þar sem þátttakendur fá tækifæri til að kynnast og æfa sig í að ræða ýmis málefni, í öruggu, skipulögðu umhverfi. Lögð er áhersla á að hópurinn taki vel utan um nýliða og í upphafi fundar er farið vel yfir fyrirkomulag fundarins.
English talk circle
Supervision: Richard and Anseok
An English support group.
A self-help group where people can share what‘s on their minds in an atmosphere of understanding and confidentiality. The members of the group are international and therefore the main language used in meetings is English. The meetings are organized via a Facebook messenger group. For more information, contact Richard.
Spilakvöld
Umsjón: Richard, Lilja og Anseok
Hefur þú gaman af borðspilum?
Þá er þetta hópurinn fyrir þig. Valin eru spil úr safni Grófarinnar eða spilum sem þátttakendur koma með. Spilakvöldin eru vanalega annan hvern þriðjudögum og eru þau skipulögð í gegnum Facebook spjallhóp. Þessi hópur er ætlaður fyrir meðlimi Grófarinnar en nýtt fólk er einnig velkomið!
Hafið samband við Richard (fyrir ensku) og Lilju (fyrir íslensku).
Kínaskák og önnur spil
Umsjón: Allir
Spilum létt borðspil og sígilld spil þar sem við notum spilastokk. Eigum notalega stund saman og rifjum upp og lærum ný spil.
Mánudagspúst
Umsjón: Helgi Már
Vanta þig að pústa?
Mánudagspúst er vettvangur til að tala um vanlíðan og vandamál með áherslu á helgina sem var að líða. Ætlunin er að gefa þátttakendum tækifæri á að pústa um erfiðleika í sínu lífi strax í byrjun vikunnar.
Skúrinn - spjallhópur
Umsjón: Helgi og Friðrik
Spjallhópur karla
Spjallhópur um áhugaefni og reynsluheim karla. Þjálfun í að tjá sig í hóp.
Leikandi skrif og tjáning
Umsjón: Arnar Már
Allir hafa sögu að segja
Við byrjum tímann á spjalli og segjum frá því sem við ætlum að skrifa og svo hefjumst við handa; skrifum eins og vindurinn án þess að hugsa um málfræði, stafsetningu og orðalag. Bara skrifa, skrifa!
Í lok tímans segjum við stuttlega frá því hvernig gekk. Þátttakendur eru hvattir til að taka með sér tölvu eða stílabók (en auðvitað er pappír á staðnum fyrir þá sem vilja).
Sjálfsrækt
Umsjón: Hulda og Sonja
Tími fyrir þá sem vilja vinna markvisst í sínum bata.
Sjálfsrækt eru hugsuð sem tækifæri til að ígrunda eigið líf og afrek, og skipuleggja næstu hænuskref. Fókusinn er settur á að valdefla einstaklinginn á hans eigin forsendum. Lögð verður áhersla á hvað þátttakendur hafa þegar áorkað, hvert viðkomandi stefnir, góðar venjur og þakklæti.
Umhyggjuhópur
Umsjón: Friðrik og Brynjólfur
Hvað liggur þér á hjarta?
Vettvangur þar sem fólk getur tjáð sig um það sem því liggur á hjarta og deilt reynslu sín á milli. Virðing og trúnaður eru skilyrði, sem og í öðrum hópum.
Kór fyrir alla
Umsjón: Anna Petra
Söngur og fjör!
Sönghópurinn var stofnaður af Önnu Petru Lindberg. Hann er opinn öllum sem hafa gaman af því að syngja og er þátttaka gjaldfrjáls. Lagavalið er misjafnt, en flestir textar eru á Íslensku. Viljir þú taka þátt er þér boðið í hóp kórsins á Facebook, en þar er að finna alla textana við lögin. Mest íslensk tónlist. Engar söngprufur, bara mæta.
Líkamsrækt í Eflingu
Umsjón: Hannes sjúkraþjálfari
Þrekhringur með leiðsögn sjúkraþjálfara
Við förum saman í sal Eflingar sjúkraþjálfunnar þar sem við hreyfum okkur undir handleiðslu Hannesar sjúkraþjálfara. Hægt er að fá leiðsögn varðandi æfingar út frá getu hvers og eins. Þetta er gott tækifæri til að fá hreyfingu í öruggu umhverfi í uppbyggjandi og hvetjandi félagsskap þar sem allir geta tekið þátt óháð formi og getu. Mælt er með því að mæta í íþróttafötum og með íþróttaskó sem má nota innandyra og hægt er að skipta um föt í búningsklefum Eflingar og fara þar í sturtu
Unghugar
Umsjón: Sonja
Félagsskapur ungs fólks á aldrinum 18-30 ára.
Fundir Unghuga byggja á umhyggjuhring og sjálfseflingu. Umhyggjuhringur felst í jafningjastuðningi, virðingu og trúnaði þar sem fólk getur tjáð sig um það sem því liggur á hjarta og sjálfseflingin byggir á ýmsum verkefnum og tækifærum til hlutverka. Reglulega eru svo viðburðir, en skemmtinefnd Unghuga sér um að skipuleggja og auglýsa þá.
Bíóklúbbur
Umsjón: Arnar Már og Friðrik
Hvað er á skjánum?
Í bíóklúbbi Grófarinnar eru sýndar áhugaverðar kvikmyndir við flestra hæfi. Eitt af markmiðum klúbbsins er að endurvekja hugmyndina um að horfa saman á sjónvarp og njóta þannig sameiginlegrar upplifunar. Eins er stefnt að því að fara saman í kvikmyndahús þegar sérlega góðar myndir eru til sýninga.
Innflytjendahópur
Umsjón: Friðrik
Jafningjastuðningur fyrir innflytjendur.
Innflytjendur deila reynslu sinni, hlusta hver á annann og leita saman að lausnum og mynda örsamfélag jafningja. Tungumál sem við ráðum við: Íslenska, sænska, pólska, enska, þýska og danska.
Litlir sigrar
Umsjón: Helgi Már
Markmiðasetning í lok vikunnar
Þátttakendur ræða um og setja sér eitt lítið markmið til að sinna yfir helgina. Markmiðið er að æfa sig í markmiðasetningu og bæta örlítilli virkni inn í helgina og smám saman víkka þægindarammann.
Námshópur
Umsjón: Sigurður Gísli
Ert þú að koma þér af stað í námi?
Tilgangur hópsins er að hjálpa hvort öðru að komast af stað í námi. Fyrst um sinn verður lögð áhersla á stærðfræði.
Morgunverkin felast í öllu því sem þarf að gera í byrjun dags, svosem að hella upp á kaffi, fara út með rusl, taka úr uppþvottavél o.fl.
Vikuþrifin felast svo í hreingerningum, að þurrka af, þrífa klósett, ryksuga og fleira í þeim dúr. Grófarfélagar hjálpast að við að halda svæðinu okkar hreinu og notalegu.
Morgunverk og vikuþrif
Umsjón: Allir
Höldum rýminu okkar hreinu og fínu
Kaffispjall (Opið samtal) og jafningjaspjall
Umsjón: Ýmsir
Samtalshópar
Kaffispjall (opið samtal) er vettvangur fyrir fólk sem vill hittast og spjalla um daginn og veginn á kaffistofu Grófarinnar
Í jafningjaspjalli koma þátttakendur saman og velja umræðuefni tengd andlegri líðan og bataferlinu og fá stuðning á jafningjagrundvelli.
Yoga Nidra
Umsjón: Gígja, yogakennari
Slökun
Yoga Nidra er sérstök slökun og hugleiðsla sem hjálpar til að draga úr streitu og þjáningum, hjálpar líkamanum að losa um neikvæða orku og róar hugann. Mælt er með reglulegri iðkun svo ávinningur verði sem mestur.